Ya manga usip sa 1 Téssalonika

Ya Pagsilingan sa sulat adti manga mangintu‑uway dun ni Téssalonika

Mapa

Ya tud na manga usip      

Madég ya usip asini libru na maggagad sa anenganeng mayu pada to‑o kalabetan ya pigsulat ni Pablo. Paninawun ya manga tubag adti 1 aw 2 Téssalonika. Awun uman nyakasulat na balawbalawan na kadég na manga sumisiling. Aw yan ya sambuk na tud na libru ini, na makatabang sa manga pastor aw manga magpalna‑uway dun ni simbahan sa pagtagilan nilan sa kanilan pagpalna‑u.  

Ya pa-agi

1. Basa͡en muna ya Pagpa-ede' adti lapid (vii) taman ni lapid (x) na liblu yeiy, kay yan ya makatabang kanaten na kalabetan ya pagpakabetang na manga taga Téssalonika aw ya du-an na migsulat si Pablo kanilan sa ini na duwa ya sulat.
2. Basa͡en ya kadakula' na sulat na sallong pigpadala kanmu. Ya-i pagkalingawi na ya manga uluhan aw manga numero na birsikulu na wala' yan sulatan ni Pablo, manang pigsulat yan na eped na utaw na matas ya katadeng pada makatabang kanaten sa pagbasa tadun sa Bibliya.
3. Basa͡en salut ya kada tekap aw tubagen ya manga usip.  

Ya manga usip sa Pagpa-ede' na awun ni lapid (vii - x).

1. Adti mapa paninawun ya syudad na Téssalonika.
2. Unu ya pagpakabetang na syudad yan?
3. Dakula' na syudad ya Téssalonika. Pila ya kadég na manga utaw na nyeya' dun dengan na paglaba' ni Pablo?
4. Singan manga utaw ya nyeya' dun ni Téssalonika?
5. Nyabatug ya tud ni Pablo dun ni pagpalna-u nan aw wala'?
6. Ananga' pig-indegan ni Pablo ya Téssalonika?
7. Ayin kadtu si Pablo pagkatigkas nan indegan ya Téssalonika?
8. Ayin si Pablo aw manga eped nan sa pagsulat nilan sa sulat yeiy adti manga taga Téssalonika?
9. Unu ya kaliman ni Pablo na palna-u kanilan sa pagliku' ni Kristu?

Padala͡an ya kamayu un paglongun aw ya manga usip