Ya kya‑agiyan ni Pablo sa tagna' nan adti Pilipos
Sa dili' pa tadun padelegen ya pagsiling sa sulat ni Pablo, basa͡en tadun asini dalem “Ya Manga Pigpan‑imo' na Manga Apostolés” (Buhat) 16:11‑40, pada kalabetan tadun ya kya‑agiyan ni Pablo aw manga eped nan sa tagna' nan adti lunsud na Pilipos. Si Lukas ya sambuk na eped nan, aw yan ya migsulat seiy:
Ya Pagsiling sa sulat ni Pablo adti manga mangintu‑uway dun ni Pilipos
Basa͡a ya Muna Pagpa‑ede' adti lapid 1-2:
1. Ayin si Pablo dengan na pagsulat nan sa manga mangintu‑uway adti Pilipos?
2. Unu gya umaya ya pagsulat nan?
3. Unu ya kya‑agiyan ni Pablo dun ni Pilipos idtu muna? Tanawa “Ya Manga Pigpan‑imo' na Manga Apostolés” (Buhat) 16:11‑40 na awun ni lapid 25‑30. Sa kamayu anenganeng, unu ya du‑an nan na dakula' ya ginawa ni Pablo sa manga mangintu‑uway dun ni Pilipos?
4. Singalan ya dyumala sa sulat adti manga taga Pilipos?
5. Unu ya pigpa‑ede' ni Pablo na un pakatanawan na manga mangintu‑uway?
6. Unu ya lagas na tingeg ni Pablo dun ni sulat nan? (Tanawa ya Pilipos 4:4.)
Balawbalawan: Sa pagsulat ni Apostol Pablo, nyakalabusu pa sakanan adti syudad na Roma asuntu sa manga diklamu kanan na manga Judiyu adti Jérusalim na wala' pangintu‑u kan Kristu. (Mabasa adti “Manga Pigpan‑imo' na Manga Apostolés” 21:27 taman adti 26:32 adti sambuk na liblu.)
Unu uman ya kanaten, magti‑is uman kitadun asuntu sa imo‑unun na Tyumanem?
Kapitulu 1
Basa͡a 1:1‑2 (Ya pagpalekat na sulat)
1. Singalan ya eped ni Pablo sa pag‑imo' sa sulat ini?
2. Singalan ya pigsulatan nilan?
3. Singalan ya pigsekatan ni Pablo sa kadyawan aw kalinaw na un padatengen adti kanilan?
Basa͡a 1:3‑11
1. Sangunu ya kalikit na panawagtawag ni Pablo sa manga mangintu‑uway?
2. Unu ya magpakaleya sa anenganeng ni Pablo kun ma.nawagtawag sakanan kanilan? (birs. 5)
3. Unu ya wala' pagduwaduwayi ni Pablo na un imo‑un na Tyumanem sa manga mangintu‑uway? Sa anenganeng mayu, unu ya madyaw na pigpalekat na Tyumanem dun ni ginawa nilan? (birs. 6)
4. Unu ya kya‑agiyan ni Pablo aw ya manga mangintu‑uway? (birs. 7, 8)
5. Dun ni birsikulu 9 taman adti 11 nyanawagtawag si Pablo sa manga mangintu‑uway adti Pilipos. Unu ya kaliman ni Pablo na to‑o ka‑ede‑an na manga mangintu‑uway? (birs. 9)
6. Kun to‑o dugangan na Tyumanem ya katadeng na manga mangintu‑uway, unu ya un nilan pamalli‑en? (birs. 10)
1. Unu ya anenganeng nilan taman na pagliku' ni Kristu?
2. Singalan ya un dumawat sa dengeg dun ni allaw na dumateng da si Kristu? (birs. 11)
Ya pag‑ubat ni Pablo sa nya‑imo' kanan adti syudad na Roma
Basa͡a 1:12‑26
1. Ananga' makalabusu si Pablo? (birs. 12, 13)
2. Unu ya madyaw na nya‑imo' asuntu sa pagkalabusu kan Pablo? (birs. 13, 14)
3. Unu ya piglong ni Pablo sa tud na manga eped na utaw na migbekkal sa madyaw na ubat‑ubat? (birs. 15‑17). Balawbalawan tadun.
4. Pangkay kun awun manga utaw na mig‑ubat‑ubat asuntu sa pag‑inga', manang ananga' magleya si Pablo? (birs. 18)
5. Unu ya pig‑iman ni Pablo na makatabang sa pagpakaluwa' kanan di kalabusuwanan? (birs. 19)
6. Unu ya kaliman ni Pablo? (birs. 20)
7. Dun ni birsikulu 21 unu ya piglong ni Pablo sa pag‑eya' nan asi tas na lupa'?
8. Unu ya duwangkansad na anenganeng ni Pablo? (birs. 22, 23)
9. Ananga' paglongun ni Pablo na madyaw pa na mataw sakanan asini tas na lupa'? (birs. 24, 25)
10. Unu ya un sampetan kun maglaba' pa uman si Pablo adti kanilan?
Basa͡a 1:27‑30 (Ya pagdasig ni Pablo sa manga mangintu‑uway)
1. Dun ni pagdasig ni Pablo, unu ya bet na manga mangintu‑uway? (birs. 27)
2. Kun maynan ya bet nilan, unu ya ka‑ede‑an ni Pablo? (birs. 27, 28)
3. Sa kamayu anenganeng, kun ampangan ya manga mangintu‑uway ananga' dili' silan mallek? (birs. 28)
4. Unu ya pigka‑unawa͡an na kya‑agiyan ni Pablo aw ya kya‑agiyan na manga mangintu‑uway dun ni Pilipos? (birs. 29, 30)
Kapitulu 2
Si Kristu Jisus nya-imo' pundinganan adti manga mangintu-uway
Basa͡a 2:1‑11
1. Unu ya piglong ni Pablo sa pig‑imo' na Tyumanem dun ni Pilipos? (birs. 1)
2. Asuntu sa pig‑imo' ni Kristu, unu ya umba' na bet na pakita' nilan na yan ya un makapaleya kan Pablo? (birs. 2)
3. Unu ya tulada' ni Pablo kanaten na mangintu‑uway dun ni birsikulu 3 aw 4? Sa anenganeng mayu, unu ya un ta makamang asini manga birsikulu ini na un ta dalugun?
4. Kun si Kristu ya pundinganan tadun, unu ya bet nan na un tadun dalugun?
(a) adti v 6?
(b) adti v 7?
(c) adti v 8?
5. Unu ya pig‑atag na Tyumanem na Ama adti kan Kristu?
6. Singalan ya un lumuhud kan Kristu? (birs. 10)
7. Unu ya un paglongun na kadeg na un lumuhud kan Jisus? (birs. 11)
8. Singalan ya un deyen? (birs. 11)
Siling kitadun na saleng na syumiga asini tas na lupa'
Basa͡a 2:12‑18
1. Adun na wala' da si Pablo dun ni sayid nilan, unu ya pamene' nan kanilan? (birs. 12)
2. Unu ya pig‑imo' na Tyumanem kanilan? (birs. 13)
3. Ananga' dili' galu maggumudgumud aw mag‑ayil ya manga utaw na mangintu‑uway? (birs. 14‑16)
4. Dun ni allaw na dumateng si Kristu, unu ya tengteng na makapaleya kan Pablo? Unu ya du‑an nan? (birs. 16)
5. Nyakalabusu si Pablo asuntu sa madyaw na ubat‑ubat. Ananga' baling sakanan magleya aw ananga' nan kaliman na magad sa pagleya nan ya manga taga Pilipos? (birs. 17, 18)
Ya pagsaya' ni Pablo kan Timotiyo aw si Épaprodito
Basa͡a 2:19‑30
1. Ananga' na kalim ni Pablo padala si Timotiyo adti Pilipos?
2. Unu alag ya piglong ni Pablo sa bet ni Timotiyo? (birs. 20‑22)
3. Kinunu galu ni Pablo padala si Timotiyo? (birs. 23)
4. Unu ya pig‑iman ni Pablo dun ni birsikulu 24?
5. Sa pagpadala na manga taga Pllipos kan Épaphrodito adti kan Pablo idtu muna, pig‑unu na Épaprodito ya pagtabang kan Pablo? (birs 25)
6. Ananga' maypeng ya manga taga Pilipos kan Épaphrodito? (birs. 26‑28)
7. Ananga' na manga taga Pilipos basa͡an si Épaphrodito? (birs. 29, 30)
Kapitulu 3
Si Kristu ya pag-imanen na manga mangintu-uway
Dun ni seled na Kapitulu 3 aw Kapitulu 4, pigkasampetan ni Pablo kun unu ya bet na umba' sa mangintu‑uway kan Kristu aw pigkasampetan nan uman ya pagsambuk na ginawa nilan, aw piglongan silan ni Pablo na silingan nilan ya pig‑imo' nan.
Basa͡a 3:1‑11
1. Sa piglong ni Pablo, unu ya un nilan pagleya͡an? (birs. 1)
2. Pigkasampetan ni Pablo ya magpalna‑uway sa sangkamulu'. Unu ya baluk na palna‑u nilan? (birs. 2)
3. Sa piglong ni Pablo, unu, magpatuli' una ya utaw bagu sakanan ma‑imo' mangintu‑uway kan Kristu aw dili'? (birs. 3)
4. Dun ni birsikulu 4‑6 pigkasampetan ni Pablo ya kadakula' na pagka Judiyu nan. Tanawun pa ya birsikulu 7‑9: Ya pagka Judiyu nan, unu, maka‑imo' kanan na matinaw adti asdangan na Tyumanem?
5. Sa anenganeng ni Pablo, unu ya nya‑untung nan adti pagdalug nan sa manga katanem na manga Judiyu? (birs. 7)
6. Singalan baling ya pigsaligan ni Pablo?
7. Ananga' dawaten na Tyumanem ya utaw? (birs. 9)
8. Unu alag ya kaliman ni Pablo na un nan ka‑ede‑an? (birs. 10)
9. Unu ya pig‑iman ni Pablo adti kamoliyan na allaw? (birs. 11)
Basa͡a 3:12‑21 (Tibagsegen tadun ya pagdalug kan Kristu)
1. Unu ya piglong ni Pablo na to‑o nan pigdalug? (birs. 12)
2. Sa piglong ni Pablo, unu ya kyalingawan da nan? (birs. 13)
3. Unu ya pig‑iman ni Pablo na un nan ma‑untung? (birs. 14)
4. Kun masalig ya pagpangintu‑u tadun, unu galu ya anenganeng tadun? (birs. 15) Tanawa pa mayu uman ya birsikulu 13‑14.
5. Asini birsikulu 15, unu ya punganan na tabang na Tyumanem kanaten?
6. Sa anenganeng ni Pablo, unu ya nya‑untung nan adti pagdalug nan sa manga katanem na manga Judiyu? (birs. 7)
7. Singalan baling ya pigsaligan ni Pablo?
8. Ananga' dawaten na Tyumanem ya utaw? (birs. 9)
9. Unu alag ya kaliman ni Pablo na un nan ka‑ede‑an? (birs. 10)
10. Unu ya pig‑iman ni Pablo adti kamoliyan na allaw? (birs. 11)
Basa͡a 3:12‑21 (Tibagsegen tadun ya pagdalug kan Kristu)
1. Unu ya piglong ni Pablo na to‑o nan pigdalug? (birs. 12)
2. Sa piglong ni Pablo, unu ya kyalingawan da nan? (birs. 13)
3. Unu ya pig‑iman ni Pablo na un nan ma‑untung? (birs. 14)
4. Kun masalig ya pagpangintu‑u tadun, unu galu ya anenganeng tadun? (birs. 15) Tanawa pa mayu uman ya birsikulu 13‑14.
5. Asini birsikulu 15, unu ya punganan na tabang na Tyumanem kanaten?
6. Unu ya piglong ni Pablo na un imo‑un na manga taga Pilipos? (birs. 17)
Sa anenganeng mayu, ananga' si Pablo maglong seiy?
7. Unu yan ya piglong ni Pablo na to‑o nan pigsugawan? (birs. 18)
8. Unu ya maka‑imo' sa utaw po‑on adti Tyumanem? (birs. 18)
9. Unu ya punganan na imo‑unun na utaw na maynan? Aw unu ya un nilan datengan? (birs. 19)
10. Kitadun uman na nyangintu‑u kan Kristu, unu ya un tadun datengan aw unu ya un tadun imanen? (birs. 20)
11. Unu ya piglong ni Pablo sa katulus na Tyumanem dun ni birsikulu 21?
Balawbalawan: Duwa ya punganan na utaw na pigkasampetan asini manga birsikulu 18‑20. Unu ya sangkamulu' dun ni tud na manga utaw adti birsikulu 18‑19 na dili' mag‑unawa sa tud na manga nyangintu‑u adti birsikulu 20?
Kapitulu 4
Ya eped na manga pamene' ni Pablo
Basa͡a 4:1‑9
1. Pigpa‑ede' ni Pablo ya ginawa nan sa manga mangintu‑uway na taga Pilipos. Unu ya piglong nan? (birs. 1)
2. Unu ya kya‑ede‑an tadun kan Yodiya aw si Sintiki dun ni birsikulu 2 aw 3?
3. Unu ya pigsekat ni Pablo adti sambuk na pigsaligan na un nan imo‑un? (birs. 3)
4. Kanyan manga ngalan ya nyakasulat dun ni listahan na Tyumanem? (birs. 3)
5. Dun ni kanmu anenganeng, unu ya kakawasan na nyakasulat ya ngalan mu adti listahan na Tyumanem? (birs. 3)
6. Pigpa‑anenganeng kanilan ni Pablo na gayed silan magleya. Ananga' na to‑o madyaw kun gayed kitadun magleya? Tanawa uman ya 3:1.
7. Unu ya indeganan ni Pablo maglong na ma‑imo' kitadun pundinganan adti manga utaw dun ni kanaten tingeg aw imo‑unun? (birs. 5)
8. Kun to‑o makamang ya ginawa tadun sa kanaten pagpakabetang, unu ya un tadun imo‑un? (birs. 6)
9. Unu ya un imo‑un na Tyumanem adi kanaten kun atag tadun kanan ya mabegat na dyala ta? (birs. 6, 7)
10. Piglista ni Pablo ya manga un tadun anenganengen. Unu galu alag ya anenganengengen tadun? (birs. 8)
11. Unu ya pig‑atag na Tyumanem adi kanaten? (birs. 9)
Ya pagpasalamat ni Pablo sa pig‑atag kanan na manga utaw dun ni Pilipos
Basa͡a 4:10‑20
1. Ananga' to‑o si Pablo magleya aw magpasalamat adti Tyumanem? (birs. 10)
2. Unu ya anenganeng ni Pablo sa pag‑eya' nan? (birs. 11, 12)
3. Piglongan kitadun ni Pablo sa du‑an nan na mabatug nan ya pangkay unu na manga kalugan. Unu ya du‑an nan yan? (birs. 13)
4. Pig‑unu na manga mangintu‑uway adti Pilipos ya pagtabang gayed kan Pablo sa imo‑unun nan? (birs. 14‑16)
5. Unu ya bunga na kanimbet nilan? (birs. 17)
6. Sa piglong ni Pablo, unu ya anenganeng na Tyumanem sa tabang na manga utaw sa imo‑unun nan? (birs. 18)
7. Siling na tyumabang ya manga mangintu‑uway adti Pilipos sa pagsambat sa kapelekan ni Pablo, pig‑unu uman na Tyumanem ya pagsambat sa kapelekan nilan? (birs. 19)
8. Pig‑unu ni Pablo ya pagdeyen sa Tyumanem? (birs. 20)
Basa͡a 4:21‑23
1. Singalan ya pyangumusta? (birs. 21, 22)
2. Singalan alag ya nyangumusta? (birs. 21, 22)
3. Unu ya kamoliyan na piglong ni Pablo? (birs. 23)
Balawbalawan:
Dun ni pagbasa tadun sa sulat ni Apostol Pablo, kya‑ede‑an tadun na to‑o miggaginawa͡ay si Pablo aw ya manga mangintu‑uway dun ni Pilipos, kay pigpa‑ede' nan adti kanilan ya madyaw na ubat‑ubat kan Kristu aw miggagad sakanan kanilan adti pagpangintu‑u aw gayed uman nyanawagtawag na pakadyawun silan na Tyumanem.
Anenganengen tadun ya manga du‑an nan na tyumulin ya paggaginawa͡ay nilan:
Idtu tagna' na paglaba' ni Pablo adti Pilipos, unu ya kyagamakan nan? (Tanawun salut adti lapid 26‑27 ya Kapitulu 16 na “Manga Pigpan‑imo' na Manga Apostolés” (Buhat). Unu uman ya anenganeng mayu, kun magti‑is ya sambuk kanaten na nyangintu‑u, makadala yeiy kanaten adti pagsambuk sa ginawa?
Nyanaw uman si Pablo adti madég na manga banwa na un magpalna‑u sa manga utaw. Aw ya manga mangintu‑uway adti Pilipos, pigpadala͡an nilan sakanan na tabang na kuwalta. Aw sa pagkalabusu ni Pablo adti syudad na Roma, to‑o nyaypeng silan kanan aw pigpadala nilan si Épaprodito na un magtabang kanan. Si Pablo uman nyaypeng sa manga mangintu‑uway adti Pilipos. Aw yanagaw pigpa‑uli' nan si Épaprodito adti kanilan na dyumala sa sulat aw manga pamene'. Pigpadala nan uman si Timotiyo adti kanilan pada ka‑ede‑an nan ya tengteng na pagpakabetang nilan. Aw ya sambuk na tud nan sa pagsulat ini, yan ya kaliman nan pakaganen ya kakaypengan na ginawa nilan. Aw gayed nan pig‑iman na dili' madugay makalaba' pa uman sakanan adti kanilan.
Unu uman ya kanaten anenganeng adun, awun kaliman tadun na tumabang sa kadég na kanaten manga inulug? Ya manga tabang aw panawagtawag tadun sa eped na mangintu‑uway, yan ya magpakalalem sa ginawa tadun sa kanaten manga inulug.
