Ya Pagsiling
sa Sulat ni Pablo adti manga mangintu-uway dun ni syudad na Épéso
Basa͡a Ya Muna Pagpa-ede' adti lapid 1 aw 2 aw tubaga ya manga usip ini:
1. Singalan ya mig-imo' sa sulat adti manga mangintu‑uway dun ni Épéso?
2. Ayin apit si Pablo na banwa pag-imo' sa sulat yeiy?
3. Ayin padala͡an ni Pablo ya sulat yeiy?
4. Seled na tulungka͡umay ni Pablo nyeya' dun ni Épéso idtu na muna, unu ya pig-imo' nan?
Pagpa-ede': Kun basa͡en tadun ya Kapitulu 19 na “Manga Pigpan-imo' na Manga Apostolés”, ka-ede-an tadun ya manga pigpan-imo' ni Pablo dun ni Épéso.
5. Ngalani ya manga banwa na kaliman ni Pablo basa͡en ya sulat nan? Tanawa adti manga mapa adti lapid vi.
6. Ananga' madég ya migkopiya sa sulat ni Pablo?
7. Wan ya manga puntu na sulat ini?
Kapitulu 1
Basa͡a 1:1, 2
1. Ananga' tawagen ni Pablo ya manga utaw dun ni Épéso na inulug nan? (birs. 1)
2. Singalan ya migbaya' sa pagka-apostol ni Pablo?
Ya palpa na Tyumanem na to-o madyaw
Basa͡a 1:3-6
1. Singalan ya to-o deyen na manga mangintu-uway? (birs. 3)
2. Unu ya pig-atag na Tyumanem adti manga utaw na nyangintu-u? Balawbalawan pa tadun kun unu ya kakawasan. (birs. 3)
3. Sa wala' pa na Tyumanem imo-a ya langit aw kadakula' na banwa, unu ya palpa nan sa manga utaw na un mangintu-u? (birs. 4)
4. Unu ya tud na Tyumanem sa manga utaw na pigpamalli' nan? (birs. 4)
5. Ananga' kitadun nan taniyen? (birs. 5)
6. Sa kamayu anenganeng, unu alag ya pig-imo' ni Jisus? Balawbalawan pa. (birs. 5)
7. Unu ya kadyawan na pig-atag na Tyumanem kanaten? (birs. 6)
Basa͡a 1:7-14
1. Unu ya tengteng na du-an na nyatay si Jisus adti krus? (birs. 7)
2. Asuntu sa kallat nan yeiy, unu ya pig-atag nan kanaten? (birs. 8)
3. Unu ya palpa na Tyumanem na pigbukasan? (birs. 9)
4. Unu ya kadyawan na un tadun makamang adti palpa na Tyumanem? (birs. 10)
5. Singan ya migtuman sa palpa na Tyumanem? (birs. 11)
Pagpa-ede': Sa kadég na manga utaw aw nasud asini tas na lupa', ya manga utaw na Isra-él, silan ya una bagi' adti kan Yahwéh. Mabasa ta adti Déutéronomiyo 32: 8, 9. (Dun ni allaw ni Pablo, ya manga buwadbuwad na manga utaw ni Isra-él, yan ya manga utaw na Judiyu.) Manang asini Épéso 1:11 miglong si Pablo na “Dadan kitadun nan pigpamalli' na un ma-imo' kanan manga utaw.” Na, si Pablo utaw na Judiyu, manang pigsulatan nan ya manga Héntil.
Anenganengen tadun: Ananga' kitadun na manga Héntil maka-akup da adti manga utaw na Tyumanem?
6. Unu ya du-an nan na nyangintu-u ya manga utaw? (birs. 13)
7. Singan ya pigsulatan ni Pablo? (Tanawa uman Ya Muna Pagpa-ede', dun ni uluhan na “Wan ya manga puntu na sulat ini?” adti lapid 2.)
Ya Pagsiling
sa Sulat ni Pablo adti manga mangintu-uway dun ni syudad na Épéso
Basa͡a Ya Muna Pagpa-ede' adti lapid 1 aw 2 aw tubaga ya manga usip ini:
1. Singalan ya mig-imo' sa sulat adti manga mangintu‑uway dun ni Épéso?
2. Ayin apit si Pablo na banwa pag-imo' sa sulat yeiy?
3. Ayin padala͡an ni Pablo ya sulat yeiy?
4. Seled na tulungka͡umay ni Pablo nyeya' dun ni Épéso idtu na muna, unu ya pig-imo' nan?
Pagpa-ede': Kun basa͡en tadun ya Kapitulu 19 na “Manga Pigpan-imo' na Manga Apostolés”, ka-ede-an tadun ya manga pigpan-imo' ni Pablo dun ni Épéso.
5. Ngalani ya manga banwa na kaliman ni Pablo basa͡en ya sulat nan? Tanawa adti manga mapa adti lapid vi.
6. Ananga' madég ya migkopiya sa sulat ni Pablo?
7. Wan ya manga puntu na sulat ini?
Kapitulu 1
Basa͡a 1:1, 2
1. Ananga' tawagen ni Pablo ya manga utaw dun ni Épéso na inulug nan? (birs. 1)
2. Singalan ya migbaya' sa pagka-apostol ni Pablo?
Ya palpa na Tyumanem na to-o madyaw
Basa͡a 1:3-6
1. Singalan ya to-o deyen na manga mangintu-uway? (birs. 3)
2. Unu ya pig-atag na Tyumanem adti manga utaw na nyangintu-u? Balawbalawan pa tadun kun unu ya kakawasan. (birs. 3)
3. Sa wala' pa na Tyumanem imo-a ya langit aw kadakula' na banwa, unu ya palpa nan sa manga utaw na un mangintu-u? (birs. 4)
4. Unu ya tud na Tyumanem sa manga utaw na pigpamalli' nan? (birs. 4)
5. Ananga' kitadun nan taniyen? (birs. 5)
6. Sa kamayu anenganeng, unu alag ya pig-imo' ni Jisus? Balawbalawan pa. (birs. 5)
7. Unu ya kadyawan na pig-atag na Tyumanem kanaten? (birs. 6)
Basa͡a 1:7-14
1. Unu ya tengteng na du-an na nyatay si Jisus adti krus? (birs. 7)
2. Asuntu sa kallat nan yeiy, unu ya pig-atag nan kanaten? (birs. 8)
3. Unu ya palpa na Tyumanem na pigbukasan? (birs. 9)
4. Unu ya kadyawan na un tadun makamang adti palpa na Tyumanem? (birs. 10)
5. Singan ya migtuman sa palpa na Tyumanem? (birs. 11)
Pagpa-ede': Sa kadég na manga utaw aw nasud asini tas na lupa', ya manga utaw na Isra-él, silan ya una bagi' adti kan Yahwéh. Mabasa ta adti Déutéronomiyo 32: 8, 9. (Dun ni allaw ni Pablo, ya manga buwadbuwad na manga utaw ni Isra-él, yan ya manga utaw na Judiyu.) Manang asini Épéso 1:11 miglong si Pablo na “Dadan kitadun nan pigpamalli' na un ma-imo' kanan manga utaw.” Na, si Pablo utaw na Judiyu, manang pigsulatan nan ya manga Héntil.
Anenganengen tadun: Ananga' kitadun na manga Héntil maka-akup da adti manga utaw na Tyumanem?
6. Unu ya du-an nan na nyangintu-u ya manga utaw? (birs. 13)
7. Singan ya pigsulatan ni Pablo? (Tanawa uman Ya Muna Pagpa-ede', dun ni uluhan na “Wan ya manga puntu na sulat ini?” adti lapid 2.)
8. Unu ya pigpakang na Tyumanem idtu muna na un nan atag sa manga mangintu-uway? (birs. 13)
9. Unu ya pangilala na kitadun tengteng utaw nan?
10. Unu ya imo-unun na ispiritu na Tyumanem kanaten? (birs. 14)
11. Ya Ispiritu na Tyumanem pig-atag da kanaten na nyangintu-u kan Kristu. Na, kinunu tadun uman katagtun ya nyasama' na pigpakang na Tyumanem?
Salutun tadun anenganengen: Dun ni manga birsikulu na 4 taman adti 15, miglong si Pablo sa manga pigpan-imo' na Tyumanem kanaten dun ni pagkasambuk da tadun adti kanan. Yeiy ya manga pig-imo' na Tyumanem:
(a) Adti birsikulu 4, pigpamalli' kitadun na Tyumanem.
(b) Adti birsikulu 5, dadan da kitadun nan pigtani na un ma-imo' kanan manga mangayse'.
(c) Adti birsikulu 7, piglekat da kitadun nan.
(d) Aw adti birsikulu 8, pig-atag nan uman kanaten na tabedtabed makalabet kitadun sa kadég na pa-agi na Tyumanem aw maka-ede' kitadun kun unu ya madyaw imo-un.
(e) Aw adti birsikulu 11, nya-imo' kitadun uman bagi' adti kana Tyumanem.
(f) Aw adti birsikulu 13, pigbetang na Tyumanem dun ni seled tadun ya kanan Ispiritu na pigpakang nan idtu muna na palangad eket aw pangilala na nya‑imo' da kitadun kanan manga utaw.
Ya pigsekat ni Pablo adti Tyumanem sa manga mangintu-uway
Basa͡a 1:15-23
Asini tas na birsikulu 15, sa paglong si Pablo, “Asuntu sa kadég yeiy . . . ” piglong nan ya kadég na pigpan-imo' na Tyumanem na pigsulat da adti birsikulu 7-14.
1. Ananga' wala' teneng si Pablo sa pagpasalamat adti Tyumanem? (birs. 15, 16)
2. Unu ya gayed ni Pablo pag-imo-un sa manga mangintu‑uway? (birs. 16)
3. Unu alag ya pigsekat ni Pablo adti Tyumanem na atag adti manga mangintu-uway? Aw unu ya du-an nan? (birs. 17)
4. Dun ni katigkasan na birsikulu 17, awun piglong ni Pablo na “. . . pada to-o pa mayu ka-ede-an ya Tyumanem.” Adti anenganeng mayu, unu ya kakawasan na piglong nan? Balawbalawan tadun kun unu ya manga pa-agi na to-o tadun ka-ede-an ya Tyumanem?
5. Unu ya kya-ilawan da na Tyumanem? (birs. 18)
6. Unu ya tulu na ka-ede-an galu nilan? (birs. 18, 19)
7. Singan ya bagi' na Tyumanem? (birs. 18)
8. Sangunu ya kadakula' na katulus na Tyumanem? (birs. 19)
9. Pig-unu na Tyumanem ya pagpakita' sa kadakula' na kanan katulus? (birs. 19, 20)
10. Pagkatigkas na pagkataw ni Kristu, ayin sakanan ingkud? (birs. 20)
11. Sangunu ya katas na pagdumala ni Kristu? (birs. 21)
12. Kanyan katundanan ya to-o matas sa kadég? (birs. 21)
13. Singan ya pyadalem na Tyumanem adti salad na siki ni Kristu? (birs. 21, 22)
14. Unu ya pig-atmu' na Tyumanem adti kan Kristu? (birs. 23)
15. Aw unu uman ya pig-atmu' ni Kristu adti manga mangintu-uway? (birs. 23)
Balawbalawan: Kun ka-ede-an tadun na maynan ya katulus na pig-atmu' kanaten, wan ya mabatug tadun adun na manga allaw yeiy? Aw kun nyatmu' kitadun na katulus ni Kristu, unu mabatug tadun degen ya kapandayan na busaw?
Kapitulu 2
Ya kallat na Tyumanem
Basa͡a 2:1-10
1. Unu ya anenganeng na Tyumanem idtu muna sa manga utaw? (birs. 1)
2. Unu ya manga bet na manga utaw idtu muna? (birs. 2)
3. Aw unu ya gayed pig-imo' na manga utaw? (birs. 3)
4. Unu ya madawat tadun kun magpadeleg sa bet sa malatay? (birs. 3)
5. Pangkay makasasala' kitadun, unu ya ginawa na Tyumanem kanaten? (birs. 4, 5)
6. Unu ya nyadawat tadun na kadyawan lekat adti Tyumanem? (birs. 5)
7. Unu ya ma-untung tadun adti pagpaluwa' ni Kristu kanaten? (birs. 6)
8. Singalan ya pigkallatan na Tyumanem? (birs. 7)
9. Singalan alag ya un kumita' sa kallat sa Tyumanem adti kadég tadun na nyakasambuk kan Kristu Jisus? (birs. 7)
10. Unu ya pig-atag na Tyumanem na wala' ya bayad? (birs. 8)
11. Ananga' dili' madyaw magpalibantug kita? (birs. 9)
12. Singan ya mig-imo' kanaten bagu na utaw? (birs. 10)
13. Aw ananga' kitadun nan imo-un bagu na utaw?
Ya pagkasambuk da tadun dun ni kan Kristu
Basa͡a 2:11-22
1. Unu ya pagpakabetang tadun na manga Héntil idtu muna? (birs. 11)
2. Ananga' na manga Judiyu supla͡en ya manga Héntil? (birs. 11)
3. Unu ya pigsaligan na manga Judiyu na un galu maka‑akup adti Tyumanem? (birs. 11)
4. Unu uman ya un tadun anenganengen? (birs. 12)
5. Idtu muna, unu ya dili' tadun imanen? (birs. 12)
Balawbalawan: Dun ni futnot adti birsikulu 12 piglista ya manga pakang na Tyumanem adti manga utaw na Isra-él na pigngalanan uman na manga Judiyu. Yanagaw ya manga pakang yeiy, wala' ka-ede-i na manga Héntil, aw walaˈ ya labet nilan.
1
6. Unu ya du-an nan na migkasambuk da kitadun adti kan Kristu Jisus? (birs. 13)
Pagpa-ede': Ya manga utaw na malapit adti Tyumanem asini muna, yan ya manga Judiyu. Aw ya manga utaw na mawat pa idtu muna, kitadun na manga Héntil. Dun ni birsikulu 13, miglong si Pablo, “Pangkay idtu muna mawat pa kamu adti Tyumanem, manang adun da pigpalapit da kamu magi sa dugu' ni Kristu dun ni krus.” Asini muna, yan ya pigdawat na Tyumanem ya dugu' na karniro na pigdugsu' adti kanan.
Balawbalawan tadun: Wan ya tud na dugu' na ayep na karniro adti anenganeng na Tyumanem asini muna? Aw asini birsikulu 13, wan uman ya tud na dugu' ni Jisus dun ni krus?
7. Adti kamayu anenganeng, unu ya kakawasan na si Kristu ya kanaten kalinaw? (birs. 14) Tanawun uman ya lapid 10.
8. Unu ya pigpateneng ni Kristu? (birs. 15)
9. Singan alag ya nyaka-akup adti bagu na kasakupan? (birs. 15)
10. Pig-unu na Tyumanem ya pagsambuk sa manga Héntil aw Judiyu? (birs. 15)
11. Singan ya dili' da matalapo-on? Unu ya du-an nan? (birs. 16)
Balawbalawan: Sa kamayu anenganeng, unu, mabatug ya maynan asini kanaten na manga Tagakaulo?
12. Unu ya tud na pagkadi ni Kristu? (birs. 17)
13. Unu ya du-an nan na makapalapit da kitadun adti Tyumanem? (birs. 18)
14. Unu ya kadyawan na pig-iman na madawat na mangintu-uway? (birs. 19)
15. Unu ya pundinganan sa pagpangintu-u tadun? (birs. 20)
16. Adti pundinganan, unu ya kasiling na manga apostolés? (birs. 20)
17. Adti pundinganan uman, unu ya kasiling na manga mangintu-uway? (birs. 21)
18. Ayin pag-eya' ya Ispiritu na Tyumanem adun na manga allaw yeiy? (birs. 22)
Kapitulu 3
Ya pigtagu' asini muna na pigbukasan da adun
Basa͡a 3:1-6
1. Unu ya du-an nan na nyakalabusu si Pablo? (birs. 1)
2. Unu ya pigtaligu kan Pablo? (birs. 2)
3. Unu ya pigpa-ede' na Tyumanem kan Pablo? (birs. 3)
4. Unu ya pigtagu' asini muna? (birs. 4)
5. Pig-unu na Tyumanem ya pagbukas sa pigtagu' asini muna? (birs. 4, 5)
6. Unu la ya palpa na Tyumanem na pigbukasan da? (birs. 6)
7. Unun tadun na manga Héntil ya pagpaka-akup sa palpa na Tyumanem? (birs. 6)
Ya imo-unun ni Pablo adti tampid na manga Héntil
Basa͡a 3:7-13
1. Unu ya kallat na pig-atag na Tyumanem kan Pablo? (birs. 7)
2. Ananga' mabatug ni Pablo ya pagpalna-u sa madyaw na ubat-ubat? (birs. 7)
3. Unu ya pigtaligu na Tyumanem adti kan Pablo? (birs. 8, 9)
4. Unu ya tud na Tyumanem sa pag-imo' nan kan Pablo na kanan sugu-anen? (birs. 10)
5. Unu ya palpa na Tyumanem asini muna sa wala' pa nan imo-a ya kadég? (birs. 10, 11)
6. Ananga' dili' kitadun mallek mag-ubat adti Tyumanem sa adi anenganeng tadun? (birs. 12)
7. Unu ya pigsekat ni Pablo na dili' nilan imo-un? (birs. 13)
Ya pagpanawagtawag ni Pablo adti Tyumanem sa manga
mangintu-uway
Basa͡a 3:14-21
1. Singalan ya lyekatan sa kadég na awun ni lupa' aw adti tas na langit? (birs. 14, 15)
2. Unu ya pigsekat ni Pablo na atag na Tyumanem adti manga mangintu-uway? (birs. 16)
3. Unu ya duwa ya pundinganan na piglong ni Pablo asini birsikulu ini? (birs. 17)
4. Unu ya kalalem na pagginawa ni Kristu kanaten? (birs. 18, 19a)
5. Unu ya pigsekat ni Pablo na un makatmu' sa manga mangintu-uway? (birs. 19b)
6. Kun ya katulus na Ispiritu na Tyumanem awun ni ginawa tadun, unu pa ya un mabatug? (birs. 20)
7. Singalan ya kaliman ni Pablo na magdeyen sa Tyumanem? (birs. 21)
8. Ayin taman ya kalim ni Pablo na deyenen ya Tyumanem? (birs. 21)
Kapitulu 4
Ya pagsambuk na kadég na nyangintu-u kan Kristu
Basa͡a 4:1-6
1. Unu ya pigdasig ni Pablo adti kadég na manga mangintu‑uway? (birs. 1)
2. Unu ya du-an nan na nyakalabusu si Pablo? (birs. 1)
3. Unu ya bet na un tadun silingan? (birs. 2)
4. Unu ya madyaw tadun imo-un asuntu sa paggaginawa͡ay tadun? (birs. 2)
5. Unu ya un tadun tibagsegan? (birs. 3)
6. Singalan ya mig-atag sa paggaginawa͡ay tadun na manga mangintu‑uway? (birs. 3)
7. Pigsulat ni Pablo asini birsikulu 4-6 ya manga pig‑isambuk na kadég na manga mangintu‑uway. Unu ya kadég na pigsulat nan?
8. Adti birsikulu 4, singan ya nyeya' adti seled na tag sambuksambuk kanaten na mangintu‑uway?
9. Adti birsikulu 6, unu ya piglong ni Pablo na kya‑ede‑an tadun sa Tyumanem?
Ya manga pigpan-atag na Tyumanem pada pakasaligen ya manga mangintu-uway
Basa͡a 4:7-16
1. Unu ya pig-atag sa tag sambuksambuk kanaten? (birs. 7)
2. Unu ya pigtaligu na Tyumanem sa tag sambuksambuk kanaten? (birs. 7)
3. Unu ya nya-imo' sa pagka-engat ni Kristu adti tas na langit? (birs. 8)
4. Unu ya kyalabetan tadun sa pagpanog ni Kristu aw pagka-engat nan? (birs. 9, 10)
5. Singalan ya nyanog aw nya-engat na un magdumala? (birs. 10)
6. Ubatan kun unu alag ya pigpan-atag ni Kristu adti manga mangintu-uway? (birs. 11)
7. Unu ya tud ni Kristu sa kadég na pigpan-atag nan adti manga mangintu-uway?
(birs. 12)
8. Singalan ya palangad lawas ni Kristu? (birs. 12)
9. Kun to-o tadun ka-ede-an ya Ise' na Tyumanem, unu ya un tadun sampetan?
(birs. 13)
10. Singalan ya pigpa-unawa͡an ni Pablo sa utaw na maksay magka-agad-agad sa pangkay unu ya denggen nilan? (birs. 14)
11. Unu ya dili' tadun agad-agadan? (birs. 14, 15)
12. Unu ya madyaw tadun dalugun sa kanaten pag-eya' asini tas na lupa'? Unu ya du-an nan? (birs. 15)
13. Ayin kitadun ni Kristu paligena-a? (birs. 16)
14. Unu ya sampetan kun imo-un na tag sambuksambuk ya pigtaligu ni Kristu kanilan? (birs. 16)
Ya bagu na pagka-utawun dun ni kan Kristu
Basa͡a 4:17-19
1. Ananga' ni Pablo ngalanan ya pangulu na si Jesus Kristu dun ni pagpalna‑u nan kanilan? (birs. 17)
2. Kanyan bet ya dili' madyaw nilan silingan? (birs. 17)
3. Unu ya du-an nan na kyangitngitan ya anenganeng na manga Héntil na wala' pa pangintu‑u? (birs. 18)
4. Sa anenganeng mayu, unu ya nyaka‑elet kanilan adti Tyumanem? (birs. 18)
5. Ananga' silan magpadeleg mag-imo' sa malatay? (birs. 19)
6. Unu ya sala' na makamulamula na piglong asini birsikulu ini? (birs. 19)
Basa͡a 4:20-24
1. Ananga' dili' kitadun magsiling sa bet na malatay na piglong ni Pablo adti birsikulu 18-19? (birs. 20)
2. Unu ya tud ni Pablo na to-o nan silan pigpalna‑uwan? (birs. 21)
3. Unu ya un luwasen na utaw dun ni dadan na pagka‑utawun nan? (birs. 22)
4. Singalan ya gayed magbagu sa anenganeng na utaw? (birs. 23)
5. Singan ya un tadun silingan kun sutun tadun ya bagu na pagka-utawun? (birs. 24)
6. Unu ya un sampetan na pagluwas na utaw sa kanan dadan na pagka-utawun?
(birs. 25)
7. Unu baling ya un mayu paglongun adti manga eped mayu? (birs. 25)
8. Sa kamayu anenganeng, unun tadun ya pagtagen sa kanaten kadaman? (birs. 26)
9. Unu ya imo-un tadun kun awun kadaman tadun adti eped na utaw? (birs. 26)
10. Unu ya dili' tadun tumbay? (birs. 27)
11. Unu ya madyaw na palna-u sa manga matakaw na utaw? (birs. 28)
12. Unu ya tingeg na dili' tadun paglong adti eped na manga utaw? (birs. 29)
13. Unu ya un magpatulin sa pagpangintu-u na manga utaw? (birs. 29)
14. Ananga' na dili’ tadun pakalaten ya Ispiritu na Tyumanem na awun ni ginawa tadun? (birs. 30)
15. Unu ya palna-u ni Pablo na un tadun pakatanawan asini birsikulu ini? Anenganengen na tag sambuksambuk kun ayin ya palna-u na kyatinawan kitadun. (birs. 31)
16. Unu ya madyaw na bet na un tadun imo-un adti kanaten eped na manga utaw? (birs. 32)
Kapitulu 5
Ya manga utaw na dun ni kalalamdag
Basa͡a 1-14
1. Unu ya un tadun imo-un na manga mangayse' na Tyumanem? (birs. 1)
2. Unu ya palna-u asini birsikulu sa pagginawa tadun sa kanaten eped? (birs. 2)
3. Unu ya pig-imo' ni Kristu na pigpakita' nan ya ginawa nan kanaten? (birs. 2)
4. Unu ya dili' tadun imo-un kun mangayse' da kitadun na Tyumanem? (birs. 3)
5. Unu ya manga tingeg na dili' madyaw tadun paglongun kun mangayse' da kitadun na Tyumanem? (birs. 4)
6. Unu baling ya madyaw tadun imo-un? (birs. 4)
7. Singalan utawa ya wala' ya bagi' adti kasakupan ni Kristu? (birs. 5)
8. Unu ya piglong ni Pablo sa pagkaybeg? (birs. 5)
9. Unu ya un tadun pakatanawan na piglong asini birsikulu ini? Ananga' yeiy? (birs. 6)
10. Unu ya imo-un na mangintu-uway adti manga utaw na mig-imo' sa malatay?
(birs. 7)
11. Unu ya pagpakabetang tadun asini muna aw unu la uman adun? (birs. 8)
12. Unu ya sampetan kun awun ni kamayu ya kalalamdag? (birs. 9)
13. Unu ya tibagsegan tadun? (birs. 10)
14. Unu ya manga imo-unun na dili' kitadun magpasambuk? (birs. 11)
15. Unu ya un tadun imo-un sa manga mangintu-uway na mig-imo' sa malatay?
(birs. 11, 12)
16. Unu ya kita-en kun dumateng da ya kalalamdag? (birs. 13)
17. Aw kun ka-ede-an da ya sala' na sambuk na utaw, unu galu ya sampetan nan?
(birs. 14)
18. Sa anenganeng mayu, unu uman ya kakawasan sa manga tingeg na piglong idtu muna? (birs. 14)
Basa͡a 5:15-21 (Ya imo-unun tadun asuntu sa pigpalna‑u kanaten)
1. Unu ya un tadun pakatanawan? (birs. 15)
2. Unu galu ya dili' tadun pagsapadan? (birs. 16)
3. Unu ya un tadun tibagsegan? (birs. 17)
4. Unu ya madyaw pag-atmu' sa ginawa tadun? (birs. 18)
5. Unu ya un tadun ma-imo' kun gagaden na Ispiritu ya ginawa tadun? (birs. 19)
6. Unun tadun ya pagdeyen kan Kristu? (birs. 19)
7. Singalan ya to-o tadun pasalamatan? (birs. 20)
8. Unu ya du-an nan na magbabasa͡ay kitadun? (birs. 21)Adti anenganeng mayu unu ya kakawasan na birsikulu 30 aw 31?
9. Unu ya nyatagu' asini muna na kyabukasan da adun? (birs. 32)
10. Asini birsikulu 33, pigsalut ni Pablo ya palna-u nan sa manga eseg aw manga ka͡ubayan. Sa anenganeng mayu, ananga' nan salutun ya palna-u nan? (birs. 33)
Kapitulu 6
Ya palna-u sa manga mangayse' aw manga ama nilan
Basa͡a 6:1-4
1. Unu ya imo-un na manga mangayse' na makatutuk sa Tyumanem? (birs. 1)
2. Unu ya sugu' na kya-epedan na pakang? (birs. 2)
3. Kun tumanen tadun ya sugu' yeiy, unu ya dumateng kanaten na madawat tadun? (birs. 3)
4. Unu ya madyaw na pagdala na ama sa mangayse' nan? (birs. 4)
Ya palna-u sa manga sugu-anen aw manga allang
Basa͡a 6:5-9
1. Unu ya manga sugu' adti manga allang asini birsikulu 5? (birs. 5)
2. Dun ni pagpamasa tadun sa manga utaw na migdumala kanaten, singan pa uman ya pigbasa͡an tadun? (birs. 5)
3. Unu ya dili' imo-un na manga sugu-anen, aw unu galu baling ya imo-un nilan?
(birs. 6)
4. Unu ya madyaw na bet na allang aw sugu-anen dun ni talabahu nilan? (birs. 7)
5. Singalan ya un makadawat sa tandan adti kan Kristu? (birs. 8)
6. Unu ya piglong kanaten asini birsikulu 8 sa manga tandan na pig-atag ni Jisus?
7. Unu ya sugu' adti manga amu asini birsikulu 9?
8. Singalan ya tagtun sa kadég dala ya manga amu asini tas na lupa'? (birs. 9)
Ya kadég na manga pagkana' na manga mangintu-uway
Basa͡a 6:10-17
1. Unu ya piglong ni Pablo na imo-un na manga mangintu-uway? (birs. 10)
2. Unu ya piglong ni Pablo sa pagkana' na manga sundalu? (birs. 11)
3. Singalan ka' ya eped na manga mangintu-uway migtanam? (birs. 12)
4. Ananga' sugu-un ya manga mangintu-uway na dala͡en nilan ya pagkana' siling na manga sundalu? (birs. 13)
5. Unu ya pigpa-unawa͡an ni Pablo sa manga mangintu‑uway na awun pagkana' asini birsikulu ini? (birs. 14)
6. Unu ya imo-un tadun pada magtagilan sa tanam? (birs. 14)
7. Unu ya kakawasan na sapatus asini birsikulu 15?
8. Unu ya pagkana' na manga mangintu-uway na pigkasampetan asini birsikulu 16?
9. Dun ni pigbasa tadun, unu ya pigpa-unawa͡an ni Pablo sa tingeg na Tyumanem? (birs. 17)
10. Unu ya kakawasan na pagsangkub sa ulu? (birs. 17)
Basa͡a 6:18-20
1. Unu ya palna-u ni Pablo adti manga mangintu-uway asini birsikulu 18?
2. Unu ya pigsekat ni Pablo na imo-un na manga mangintu-uway? (birs. 19)
3. Ananga' dili' si Pablo galu mallek maglong sa palpa na Tyumanem? (birs. 20)
Ya katigkasan na pigsulat
Basa͡a 6:21-24
1. Unu ya bet ni Tikiko? (birs. 21)
2. Unu ya tud ni Pablo na pigpakawun nan si Tikiko adti kanilan? (birs. 21, 22)
3. Unu ya piglong ni Pablo adti katigkasan na sulat nan adti manga mangintu-uway? (birs. 23, 24)
